Kannabidiola edo CBDa kosmetikan asko erabiltzen den substantzia da, bere propietate hidratatzaile, suspergarri, lasaigarri eta larruazala erregulatzeagatik.
CBDak larruazalaren sistema endokannabinoidean eragiten du, larruazala osasuntsu eta hidratatua mantenduz eta orbanak, zimurrak edo seboa agertzea murriztuz.
Kalamu hazien olioa, CBDz egindako kosmetikan dagoen osagaia, larruazalerako onuragarriak diren Omega 3 eta 6n aberatsa da.
Kanabis kremen onurak larruazalerako
Kannabidiola antiinflamatorioa denez, inflamazioa era lokalizatuan gutxitzen du, eta oso erabilgarria da kolpeentzako edo orban eta espinillak murrizteko. Sebo-ekoizpena murrizteko gaitasuna du, eta oso erabilgarria da aknerako, lesioak lasaitzen laguntzen baitu.
Kaltetutako larruazala erregulatzean, hidratatuz eta bere egoera naturala berreskuratuz, azkura eta narritadurak murrizten ditu, eta gomendagarria da larruazal lehorra, zimurtsua eta sumindua zaintzeko. CBD kremak oso erabilgarriak dira eguneroko zainketarako, hala nola psoriasiaren, errosazearen eta eguzki-erreduren zauriak tratatzeko. Orbaintzaile oso ona denez, tatuajeen suspergarri gisa ere erabiltzen da.
Propietate antioxidatzaile indartsuak dituenez, larruazalaren zahartzea babesten du, zimurrak eta adierazpen lerroak agertzea saihestuz.
Canna Fundazioaren hurrengo infografian, kannabinoideek larruazalean nola jokatzen duten eta larruazaleko patologien tratamenduan zer eginkizun duten ikus daiteke.
Aurpegi eta gorputzeko eguneroko errutina
Aipatu dugun bezala, CBDak propietate hidratatzaileak ditu, eta, beraz, ezin hobea da egunero aurpegirako eta gorputzerako kremetan erabiltzeko, larruazalaren lehortasuna eta ezkatatzea saihestuz.
Larruazala hidratatuta mantantzea oso garrantzitsua da urte osoan. Bai neguan, larruazala lehortu eta pitzatu egin daitekelako hotzagatik, bai udan, besteak beste, eguzkitan egoteak edo itsasoko eta igerilekuetako urek eragindako narritaduragatik.
Gorputza, aurpegiko azala eta ilea urte osoan zaintzea oso erraza da, tratamendu espezifikorik egin behar izan gabe. Egunerokoan kannabidiol produktu naturalak erabiliz, larruazal osasuntsua eta babestua lor daiteke.
CBDa oso erabilgarria da eskuak, gorputza eta ilea egunero garbitzeko, xaboi edo xanpu moduan, gorputzaren eremu guztiak baretuz eta hidratatuz.
Nola zaindu zure azala udan CBDarekin
Udan, gure larruazala eguzkipean denbora luzez dagoenez, errazago narritatu edo ezkatatu daiteke.
CBDa eta kanabisaren landarean dauden beste kanabinoide batzuk E bitaminan eta azido fenolikoan aberatsak diren antioxidatzaile indartsuak direla frogatu dute, azaleko zelulak, erradikal askeen kaltetik babesten dituztenak eta kolagenoaren eta elastinaren ekoizpena hobetzen laguntzen dutenak. Larruazal osasuntsua eta leuna lortuz.
CBDaren antiinflamatorio propietateek eguzki-esposizioaren ondoriozko erredurak, gorritasuna eta erreaktibitatea sahiesteko sustantzia ezin hobea bihurtzen dute. CBDak larruazalaren CB2 hargailuetan eragiten du, larruazalak erretzean duen inflamazio erantzuna erregulatuz eta mina murriztuz. Melaninaren ekoizpena ere murrizten du, orban ilunak agertzea eta larruazala koloregabetzea saihestuz.
Beraz, CBD kremak ezin hobeak dira larruazala babesteko eta osasuntsu mantentzeko, eta larruazalaren berezko tonalitatearekin bat datorren beltzarantzea lortzeko. CBD kremak %100 naturalak diren osagaiekin formulatuta daude, eta, beraz, horiek erabiltzeak kosmetika tradizionalean asko erabiltzen diren produktu kimikoek sortzen dituzten albo ondorioak saihesten ditu.
